- 歌詞
- アルバムリスト
- 歌手の紹介
七郎
-
一粒孤星
24455/《一粒孤星》Tsi̍t-lia̍p Koo-tshinn 七郎Tshit-lông
又閣是黃昏時 iū-koh sī hông-hun sî 日頭拄墜落山去 ji̍t-thâu tú tuī-lo̍h suann khì 東爿的天色 tang-pîng ê thinn-sik 漸漸變暗 tsiām-tsiām piàn àm 月娘也浮出山邊 ge̍h-niû iā phû-tshut suann-pinn
一粒孤獨的天星 tsi̍t-lia̍p koo-to̍k ê thinn-tshinn 早就掛在夜天邊 tsá tiō kuà tsāi iā thinn-pinn 閃爍 siám-sih 光光咧閃爍 kng-kng teh siám-sih 無聊的暗暝 bô-liâu ê àm-mî 閣再想著你 koh-tsài siūnn-tio̍h lí
你親像孤星 lí tshin-tshiūnn koo-tshinn 無人陪伴你 bô-lâng puê-phuānn lí 這陣又毋知走佗去 tsit-tsūn iū m̄-tsai tsáu toh khì 假使你若有情義 ká-sú lí nā ū tsîng-gī 該轉來予阮安慰 kai tńg-lâi hōo gún an-uì
もっと沢山の歌詞は ※ Mojim.com 更深的夜港邊 kinn tshim ê iā káng-pinn 冷風吹 líng-hong tshue 添阮稀微 thiam gún hi-bî 暗淡的月色 àm-tām ê ge̍h-sik 引人心碎 ín lâng sim tshuì 夜雺霧罩在岸邊 iā bông-bū tà tsāi huānn-pinn
一粒孤獨的天星 tsi̍t-lia̍p koo-to̍k ê thinn-tshinn 忽然消失在天邊 hut-jiân siau-sit tsāi thinn-pinn 敢是傷心走去覕 kám-sī siong-sim tsáu-khì bih 悽涼的夜暝 tshi-liâng ê iā-mî 揣攏無你 tshē lóng bô lí
可憐的孤星 khó-liân ê koo-tshinn 天涯流浪兒 thian-gâi liû-lōng-jî 這陣又毋知佇佗位 tsit-tsūn iū m̄-tsai tī tó-uī 月娘啊你敢無看見 ge̍h-niû--ah lí kám bô khuànn--kìnn 請問你 tshiánn-mn̄g lí 孤星佗位去 koo-tshinn tó-uī khì
- W.B. Chen の歌詞提供に感謝
- ウェブリンク: W.B. Chen
|