- 歌詞
- 專輯列表
合輯
-
菊花開的時
構想自楊逵小說「水牛」 作詞:李坤城 作曲:陳明章 主唱:陳明章
菊花開的時 阮攏會想起汝 想起汝瘦瘦的身軀 偎佇水牛邊 菊花謝的時 阮攏會懷念汝 懷念汝天真的年紀 親像可愛的花蕊 汝逐工牽著水牛 牽去山腳去吃草 閣一面看冊 看賈日頭落山 暗時返去煮飯飼豬 無閒佇厝後 閣會記給恁老父捧水洗面 汝實在有影友孝 烏鶖烏鶖嘎嘎啾 白翎絲腳勼勼 水牛水牛胡白泅 跋落溝仔底搵豆油
後來水牛賣掉 阮看汝目屎一直流 恁阿爸閣欠人五十箍 煞借錢借來阮兜 阮老父竟然給汝買起來作細姨 予阮真想欲哭 這是啥麼天年 阮真正想欲離家出走
(O.S.李坤城) 彼年汝幹那十二歲 著予阮心內非常敬佩 彼年汝幹那十二歲 煞予阮心內非常怨慼
菊花開的時 阮攏會想起汝 想起汝瘦瘦的身軀 賈砂的智慧 菊花開的時 阮攏會懷念汝 懷念汝天真的年紀 親像花蕊遐哩邃
------------------------------------------
《菊花開的時》Kiok-hue Khui ê Sî 陳明章Tân Bîng-tsiong
菊花開的時 kiok-hue khui ê sî 阮攏會想起你 gún lóng ē siūnn-khí lí 想起你瘦瘦的身軀 siūnn-khí lí sán-sán ê sin-khu 倚佇水牛邊 uá tī tsuí-gû pinn
菊花謝的時 kiok-hue siā ê sî 阮攏會懷念你 gún lóng ē huâi-liām lí 懷念你天真的年紀 huâi-liâm lí thian-tsin ê nî-kí 親像可愛的花蕊 tshin-tshiūnn khó-ài ê hue-luí
你逐工牽著水牛 lí ta̍k-kang khan tio̍h tsuí-gû 牽去山跤去食草 khan khì suann-kha khì tsia̍h-tsháu 閣一面看冊 koh tsi̍t-bīn khuànn-tsheh 看甲日頭落山 khuànn kah ji̍t-thâu lo̍h-suann 暗時仔轉去煮飯飼豬 àm-sî-á tńg-khì tsú-pn̄g tshī-ti 無閒佇厝後 bô-îng tī tshù-āu 閣會記得共恁老爸捀水洗面 koh ē-kì-tit kā lín lāu-pē phâng-tsuí sé-bīn 更多更詳盡歌詞 在 ※ Mojim.com 魔鏡歌詞網 你實在有影有孝 lí si̍t-tsāi ū-iánn iú-hàu
烏鶖烏鶖kā-kā kiū oo-tshiu oo-tshiu kā-kā kiū 白翎鷥跤勼勼 pe̍h-līng-si kha kiu-kiu 水牛水牛烏白泅 tsuí-gû tsuí-gû oo-pe̍h siû 跋落溝仔底搵豆油 pua̍h lo̍h kau-á-té ùn-tāu-iû
後來水牛賣掉 āu--lâi tsuí-gû bē-tiāu 阮看你目屎一直流 gún khuànn lí ba̍k-sái it-ti̍t lâu 恁阿爸閣欠人五十箍 lín a-pa koh khiàm lâng gōo-tsa̍p khoo 煞借錢借來阮兜 suah tsioh-tsînn tsioh lâi gún-tau 阮老爸竟然 gún lāu-pē kìng-jiân 共你買起來做細姨 kā lí bé khí-lâi tsuè suè-î 予阮真想欲哭 hōo gún tsin siūnn-beh khàu 這是啥物天年 tse sī siánn-mi̍h thinn-nî 阮真正想欲離家出走 gún tsin-tsiànn siūnn-beh lī-ka tshut-tsáu
(口白)-----↓ 彼年你才十二歲 hit-nî lí tsiah tsa̍p-jī huè 就予阮心內非常敬佩 tiō hōo gún sim-lāi hui-siông kìng-puē 彼年你才十二歲 hit-nî lí tsiah tsa̍p-jī huè 煞予阮心內非常怨慼 suah hōo gún sim-lāi hui-siông uàn-tsheh (口白)-----↑
菊花開的時 kiok-hue khui ê sî 阮攏會想起你 gún lóng ē siūnn-khí lí 想起你瘦瘦的身軀 siūnn-khí lí sán-sán ê sin-khu 佮活潑的智慧 kah ua̍t-phuat ê tì-huī 菊花謝的時 kiok-hue siā ê sî 阮攏會懷念你 gún lóng ē huâi-liām lí 懷念你天真的年紀 huâi-liām lí thian-tsin ê nî-kí 親像花蕊遐爾媠 tshin-tshiūnn hue-luí hiah-nī suí
- 感謝 W.B. Chen 修正歌詞
- 友站連結: W.B. Chen
|