- 歌詞
- 專輯列表
麗歌
-
今夜八點半
作詞:葉俊麟 演唱:方瑞娥
窗外天星閃閃熾 對著鏡台笑微微 約來今夜八點半 惦在公園要相見 穿著一領紅洋裝 抹著水粉點胭脂 看著鏡內彼個姑娘 也會心綿綿 心愛的心愛的 你我約會好暗暝 哪會心肝叮叮噹噹 跳呀跳抹離
彼暝二人有表示 伊真愛我我愛伊 猶原惦在公園內 欣賞月娘到深更 伊的態度真溫柔 甲阮真正會投機 想起彼暝甘蜜情景 又來心綿綿 心愛的心愛的 你我約會好暗暝 哪會心肝叮叮噹噹 跳呀跳抹離
沿路春風吹微微 月也對阮笑嘻嘻 輕鬆腳步向對著 彼個公園找著伊 應該今夜阮就來 對伊更加糖蜜甜 給伊永遠抱著純情 對阮心綿綿 心愛的心愛的 你我約會好暗暝 哪會心肝叮叮噹噹 跳呀跳抹離
------------------------------------------
8951/《盈暗八點半》Îng-àm Peh-tiám-puànn 方瑞娥Png Suī-ngôo
窗外天星閃閃爍 thang-guā thinn-tshinn siám-siám-sih 對著鏡臺笑微微 tuì tio̍h kiànn-tâi tshiò bî-bî 約束今夜八點半 iok-sok kim-iā pueh-tiám puànn 踮在公園欲相見 tiàm-tsāi kong-hn̂g bueh sann-kìnn 穿著一領紅洋裝 tshīng tio̍h tsi̍t-niá âng iûnn-tsong 抹著水粉點胭脂 buah tio̍h tsuí-hún tiám ian-tsi 看著鏡內彼个姑娘 khuànn-tio̍h kiànn-lāi hit ê koo-niû 更多更詳盡歌詞 在 ※ Mojim.com 魔鏡歌詞網 也會心綿綿 iā ē sim mî-mî
心愛的心愛的 sim-ài--ê sim-ài--ê 你我約會好暗暝 lí guá iok-huē hó àm-mî 哪會心肝叮叮噹噹 ná ē sim-kuann tin-tin-tang-tang 跳啊跳袂離 thiàu--ah thiàu buē-lī
今暝兩人有表示 kim-mî nn̄g-lâng ū piáu-sī 伊真愛我我愛伊 i tsin ài guá guá ài i 猶原踮在公園內 iu-guân tiàm-tsāi kong-hn̂g lāi 欣賞月娘到深更 him-sióng ge̍h-niû kàu tshim-kinn 伊的態度真溫柔 i ê thāi-tōo tsin un-jiû 佮阮真正會投機 kah gún tsin-tsiànn ē tâu-ki 想起彼暝甘蜜情景 siūnn-khí hit-mî kam-bi̍t tsîng-kíng 又來心綿綿 iū lâi sim mî-mî
心愛的心愛的 sim-ài--ê sim-ài--ê 你我約束好暗暝 lí guá iok-sok hó àm-mî 哪會心肝叮叮噹噹 ná ē sim-kuann tin-tin-tang-tang 跳啊跳袂離 thiàu--ah thiàu buē-lī
沿路春風吹微微 iân-lōo tshun-hong tshue bî-bî 月也對阮笑嘻嘻 ge̍h iā tuì gún tshiò hi-hi 輕鬆跤步向著你 khin-sang kha-pōo hiòng-tio̍h lí 彼个公園揣著伊 hit ê kong-hn̂g tshuē-tio̍h i 應該今夜阮著來 ing-kai kim-iā gún tio̍h lâi 對伊更加糖蜜甜 tuì i kìng-ka thn̂g-bi̍t-tinn 予伊永遠抱著純情 hōo i íng-uán phō tio̍h sûn-tsîng 對阮心綿綿 tuì gún sim mî-mî
心愛的心愛的 sim-ài--ê sim-ài--ê 你我約束好暗暝 lí guá iok-sok hó àm-mî 哪會心肝叮叮噹噹 ná ē sim-kuann tin-tin-tang-tang 跳啊跳袂離 thiàu--ah thiàu buē-lī
- 感謝 W.B. Chen 修正歌詞
- 友站連結: W.B. Chen
|