- Lyrics
- Album list
王開城
-
愛情故事
Lyricist:王開城 Composer:Kenji Ozawa
看到了每一個人走在冬天的小路上 只有我一咧人穿著一雙的牽拖 輕輕鬆鬆不管別人按怎看我 只想要自由自在 過我自己的生活
啊 你講我 無瞭解你 無體貼你 無去關心你 如果哪有可能 我希望每一分鐘 每一秒鐘 陪伴你身邊
四月的春天 嘟好是出外七逃的天氣 咱兩人鼓著船仔 搖來搖去真趣味 月亮照著水面 罩起濛霧的我和你 這款的畫面 只有夢中會凍看見
五月的風 對面吹來 一陣一陣肉粽味 淡水的河邊 看人劃龍船 是真趣味 熱鬧滾滾 客來客去 我惦在你的身邊 我只有聞到咱兩人愛情的香味
流汗的六月天 乎人懶懶無元氣 你講要招我來去玩水 來去游泳池 你在水底 游來游去 親像一隻美人魚 為什麼偏偏我去熱到懶絲懶絲
啊 我講你 無瞭解我 無體貼我 無來關心我 一下子 我來怪你 一下子 你來怪我 怪來怪去 要怪到冬時
有聽人講牛郎織女相會在七月時 情人雙雙對對 乎人感覺真甜蜜 你甲我有約束這天絕對賣凍來反臉 應該要歡歡喜喜渡過這咧日子
八月中秋的月 哪會看起來那麼圓 吃月餅的人啊 希望團圓在這時 看月餅甲月娘 乎我想起你的肉餅臉 心肝內不知不覺感覺真正古椎
啊 你講我 無瞭解你 無體貼你 無去關心你 其實 在我心內 不管是每一分鐘 每一秒鐘 我想的攏是你
清涼九月的風吹來 原來已經是秋天 種田的人啊 歡歡喜喜就是在這時 雖然冤來冤去 但是一路走來的滋味 是不是愛情 就應該要酸酸甜甜
啊 我講你 無瞭解我 無體貼我 無來關心我 一下子 我來怪你 一下子 你來怪我 怪來怪去 要怪到冬時
Christmas音樂聲叮叮噹噹來響起 突然間拿起電話 想要打一通乎你 這呢重要的日子 我只想麥陪伴你 因為你愛我 我愛你啦 愛來愛去
今仔日塊圍爐 是咱相識的紀念日 阮家的人不曾看過你 感覺真好奇 不免歹勢 因為阮家的人櫳袂棄嫌你 你講要愛我 一生一世 不倘袂記
------------------------------------------
18073/《愛情故事》Ài-tsîng Kòo-sū 王開城Ông Khai-sîng(許元成Khóo Guân-sîng)
看著了每一个人 khuànn-tio̍h liáu muí tsi̍t-ê lâng 行在冬天的小路上 kiânn tsāi tang-thinn ê sió-lōo siōng 只有我一个人 tsí-ū guá tsi̍t-ê-lang 穿著一雙的牽拖 tshīng tio̍h tsi̍t-siang ê khan-thua 輕輕鬆鬆 khin-khin-sang-sang 毋管別人按怎來看我 m̄-kuán pa̍t-lâng án-tsuánn lâi khuànn guá 只想欲自由自在 tsí siūnn-beh tsū-iû tsū-tsāi 過我家己的生活 kuè guá ka-kī ê sing-ua̍h
啊~你講我 ah~ lí kóng guá 無了解你 bô liáu-kái lí 無體貼你 bô thé-thiap lí 無去關心你 bô khì kuan-sim lí 如果若有可能 jû-kó nā ū khó-lîng 我希望每一分鐘 guá hi-bāng muí tsi̍t hun-tsing 每一秒鐘 muí tsi̍t bió-tsing 陪伴你身邊 puê-phuānn lí sin-pinn
四月的春天 sì--gue̍h ê tshun-thinn 拄好是 tú-hó sī 出外𨑨迌的天氣 tshut-guā tshit-thô ê thinn-khì 咱兩人划著船仔 lán nn̄g-lâng kò tio̍h tsûn-á 搖來搖去真趣味 iô-lâi-iô-khì tsin tshù-bī 月娘照著水面 gue̍h-niû tsiò tio̍h tsuí-bīn 罩起雺霧的我佮你 tà khí bông-bū ê guá kah lí 這款的畫面 tsit khuán ê uē-bīn 只有夢中會當看見 tsí-ū bāng-tiong ē-tàng khuànn--kìnn
五月的風 gōo--gue̍h ê hong 對面吹來 tuì-bīn tshue-lâi 一陣一陣肉粽味 tsi̍t-tsūn-tsi̍t-tsūn bah-tsàng bī 淡水的河邊 Tām-tsuí ê hô-pinn 看人扒龍船 khuànn-lâng pê-lîng-tsûn 是真趣味 sī tsin tshù-bī 鬧熱滾滾 lāu-jia̍t kún-kún 𤲍來𤲍去 kheh-lâi-kheh-khì 我踮在你的身邊 guá tiàm-tsāi lí ê sin-pinn 我只有鼻著 guá tsí-ū phīnn-tio̍h 咱兩人愛情的芳味 lán nn̄g-lâng ài-tsîng ê phang-bī
流汗的六月天 lâu-kuānn ê la̍k-gue̍h-thinn 予人懶懶無元氣 hōo-lâng lán-lán bô guân-khì 你講欲招我 lí kóng beh tsio guá 來去耍水 lâi-khì sńg-tsuí 來去游泳池 lâi-khì iû-íng-tî 你佇水底 lí tī tsuí-té 泅來泅去 siû-lâi-siû-khì 親像一隻美人魚 tshin-tshiūnn tsi̍t-tsiah bí-jîn-hî 為啥物偏偏我 uī-siánn-mih phian-phian guá 去熱著懶屍懶屍 khì jua̍h-tio̍h lán-si lán-si
啊~我講你 ah~ guá kóng lí 無了解我 Find more lyrics at ※ Mojim.com bô liáu-kái guá 無體貼我 bô thé-thiap guá 無來關心我 bô lâi kuan-sim guá 一下仔 tsi̍t-ē-á 我來怪你 guá lâi kuài lí 一下仔 tsi̍t-ē-á 你來怪我 lí lâi kuài guá 怪來怪去 kuài-lâi-kuài-khì 欲怪到當時 beh kuài kàu tang-sî
有聽人講 ū thiann lâng kóng 牛郎織女 Gû-lông Tsit-lí 相會在七月時 siong-huē tsāi tshit-gue̍h sî 情人雙雙對對 tsîng-jîn siang-siang tuì-tuì 予人感覺真甜蜜 hōo-lâng kám-kak tsin tinn-bi̍t 你佮我有約束 lí kah guá ū iok-sok 這工絕對袂當來變面 tsit kang tsua̍t-tuì buē-tàng lâi pìnn-bīn 應該愛歡歡喜喜 ing-kai ài huann-huann-hí-hí 度過這个日子 tōo-kuè tsit ê ji̍t-tsí
八月中秋的月 pueh-gue̍h tiong-tshiu ê gue̍h 哪會看起來遐爾圓 ná ē khuànn--khí-lâi hiah-nī înn 食月餅的人啊 tsia̍h gue̍h-piánn ê lâng--ah 希望團圓在這時 hi-bāng thuân-înn tsāi tsit-sî 看月餅佮月娘 khuànn gue̍h-piánn kah gue̍h-niû 予我想起你的肉餅面 hōo guá siūnn-khí lí ê bah-piánn-bīn 心肝內不知不覺 sim-kuann-lāi put-ti-put-kak 感覺真正古錐 kám-kak tsin-tsiànn kóo-tsui
啊~你講我 ah~ lí kóng guá 無了解你 bô liáu-kái lí 無體貼你 bô thé-thiap lí 無去關心你 bô khì kuan-sim lí 其實佇我心內 kî-si̍t tī guá sim-lāi 毋管是每一分鐘 m̄-kuán sī muí tsi̍t hun-tsing 每一秒鐘 muí tsi̍t bió-tsing 我想的人攏是你 guá siūnn ê lâng lóng-sī lí
清涼九月的風吹來 tshing-liâng káu--gue̍h ê hong tshue--lâi 原來已經是秋天 guân-lâi í-king sī tshiu-thinn 種田的人啊 tsìng-tshân ê lâng--ah 歡歡喜喜 huann-huann-hí-hí 就是在這時 tiō-sī tsāi tsit-sî 雖然冤來冤去 sui-jiân uan-lâi-uan-khì 但是一路行來的滋味 tān-sī tsi̍t-lōo kiânn--lâi ê tsu-bī 是毋是愛情 sī-m̄-sī ài-tsîng 就應該愛酸酸甜甜 tiō ing-kai ài sng-sng-tinn-tinn
啊~我講你 ah~ guá kóng lí 無了解我 bô liáu-kái guá 無體貼我 bô thé-thiap guá 無來關心我 bô lâi kuan-sim guá 一下仔 tsi̍t-ē-á 我來怪你 guá lâi kuài lí 一下仔 tsi̍t-ē-á 你來怪我 lí lâi kuài guá 怪來怪去 kuài-lâi-kuài-khì 欲怪到當時 beh kuài kàu tang-sî
Christmas音樂聲 Christmas im-ga̍k-siann 叮叮噹噹來響起 tin-tin-tang-tang lâi hiáng khí 突然間攑起電話 tu̍t-jiân-kan gia̍h khí tiān-uē 想欲拍一通予你 siūnn-beh phah tsi̍t-thong hōo lí 遮爾重要的日子 tsiah-nī tiōng-iàu ê ji̍t-tsí 我只想欲陪伴你 guá tsí siūnn-beh puê-phuānn lí 因為你愛我 in-uī lí ài guá 我愛你啦 guá ài lí--lah 愛來愛去 ài-lâi-ài-khì
今仔日咧圍爐 kin-á-ji̍t teh uî-lôo 是咱熟似的記念日 sī lán si̍k-sāi ê kì-liām-ji̍t 阮兜的人 gún tau ê lâng 毋捌看過你 m̄-bat khuànn-kuè lí 感覺真好奇 kám-kak tsin hònn-kî 毋免歹勢 m̄-bián pháinn-sè 因為阮兜的人 in-uī gún tau ê lâng 攏袂棄嫌你 lóng buē khì-hiâm lí 你講欲愛我一生一世 lí kóng beh ài guá it-sing it-sè 毋通袂記 m̄-thang buē-kì
- Special thanks to W.B. Chen for correcting the lyric.
- Related Links: W.B. Chen
|