- Lyrics
- Album list
- Singer Intro
秦楊
-
公車牌之戀
Lyricist:阿忠 Composer:阿忠
ㄟ記咧彼年我17歲 每天透早 我攏ㄟ來到公車牌仔呷伊相會 雖然我不曾呷伊講過半句話 也不擱那是看到伊的面容 我的心肝內就真歡喜 歡喜呷公車煞 煞抹記坐啦 啦
七早八早有夠衰 公車你嘛稍等咧 你走載我的心愛仔 甘是抹叫我吊車尾 昨夜我寫出一張信 字字句句心內話 我決定要向伊表白 公車你呷我放風吹
啊哩衰 實在有夠衰 有夠衰 公車常常放風吹
想起來我就鎚心肝 放我一人惦在路邊站 一時感覺心疼痛 莫非這就是初戀的感覺 彼天到了學校下午三點半 阮同窗仔問我是為安怎 我講我抹爽抹願坐公車 因為我有志氣 我自己走 啦
後來我有派人去探聽 問看是那一班的七仔 問歸半埔攏沒人知影 原來伊讀的學校在阮隔壁 聽講尹是學校的校花 追伊的人是歸大拖 我聽一哩心涼一半 阮全班叫我呷伊拼 啦
話講到第三天的透早 阮全班包一台遊覽車 校長格贊助我三朵玫塊花 格派啦啦隊來支持我 那個校花看一哩就青驚 馬上攔一台計程車 可憐ㄟ以後的我 攏不拜擱看著伊的影 人講吃緊弄破碗 我是還沒吃 碗就弄弄破 漏氣一哩真吃壞 公車牌仔是我永遠的痛 啦 可憐ㄟ公車牌仔
------------------------------------------
22767/《公車牌之戀》Kong-tshia-pâi tsi Luân 秦楊Tsîn Iông
↓↓(口白)---(口白)↓↓ 會記得彼年我十七歲 ē-kì-tit hit-nî guá tsa̍p-tshit huè 逐工透早 ta̍k-kang thàu-tsá 我攏會來到公車牌仔 guá lóng ē lâi-kàu kong-tshia-pâi-á 佮伊相會 kah i siong-huē 雖然我毋捌 sui-jiân guá m̄-bat 佮伊講過半句話 kah i kóng kuè puànn-kù uē 猶毋過 iáu-m̄-koh 若是看著伊的面容 nā-sī khuànn-tio̍h i ê bīn-iông 我的心肝內 guá ê sim-kuann-lāi 就足歡喜的 tō tsiok huann-hí--ê 歡喜甲公車 huann-hí kah kong-tshia 煞煞袂記得坐啦 suah, suah bē-kì-tit tsē--lah ↑↑(口白)---(口白)↑↑
啦~lah~ 七早八早有夠衰 tshit-tsá-peh-tsá ū-kàu sue 公車你嘛小等咧 kong-tshia lí mā sió-tán--leh 你載走我的心愛的 lí tsài tsáu guá ê sim-ài--ê 敢是欲叫我吊車尾 kám-sī beh kiò guá tiàu-tshia-bué
昨暝我寫出一張批 tsa-mî guá siá tshut tsi̍t-tiunn phue 字字句句心內話 jī-jī kù-kù sim-lāi uē 我決定欲向伊表白 guá kuat-tīng beh hiòng i piáu-pe̍h 公車你共我放風吹 kong-tshia lí kā guá pàng-hong-tshue
遐爾衰 hiah-nī sue 啊實在有夠衰 ah si̍t-tsāi ū-kàu sue 有夠衰 ū-kàu sue 公車定定放風吹 kong-tshia tiānn-tiānn pàng-hong-tshue
啊想起來 ah siūnn--khí-lâi 我就捶心肝 guá tiō tuî-sim-kuann 啊放我一人 Find more lyrics at ※ Mojim.com ah pàng guá tsi̍t-lâng 踮佇路邊徛 tiàm-tī lōo-pinn khiā 一時感覺心痛疼 tsi̍t-sî kám-kak sim thàng-thiànn 莫非這就是 bo̍k-hui tse tiō-sī 初戀的感覺 tshoo-luân ê kám-kak
彼工到了學校 hit kang kàu liáu ha̍k-hāu 下晡三點半 ē-poo sann-tiám-puànn 阮同窗的問我 gún tông-tshong--ê mn̄g guá 是為按怎 sī uī-án-tsuánn 我講我袂爽 guá kóng guá buē sóng 袂癮坐公車 buē-giàn tsē kong-tshia 因為我有志氣 in-uī guá ū tsì-khì 我家己行 guá ka-kī kiânn 啦~lah~
後來我有派人去探聽 āu--lâi guá ū phài lâng khì thàm-thiann 問看是佗一班的姼仔 mn̄g khuànn sī tueh tsi̍t-pan ê tshit-á 啊問規半晡攏無人知影 ah mn̄g kui-puànn-poo lóng bô-lâng tsai-iánn 原來伊讀的學校 guân-lâi i tha̍k ê ha̍k-hāu 佇阮隔壁 tī gún keh-piah
啊聽講伊 ah thiann-kóng i 是學校的校花 sī ha̍k-hāu ê xiàohuā 啊逐伊的人 ah jiok i ê lâng 是規大拖 sī kui-tuā-thua 我聽一下 guá thiann tsi̍t-ē 心涼一半 sim liâng tsi̍t-puànn 阮全班的 gún tsuân-pan--ê 叫我佮伊拚 kiò guá kah i piànn 啦~lah~
話講到第三工的透早 uē kóng kah tē-sann kang ê thàu-tsá 阮規班的 gún kui-pan--ê 包一台遊覽車 pau tsi̍t-tâi iû-lám-tshia 校長閣贊助我 hāu-tiúnn koh tsàn-tsōo guá 三蕊玫瑰花 sann-luí méiguìhuā 閣派啦啦隊來支持我 koh phài lālāduì lâi tsi-tshî guá
彼个校花看一下 hit ê xiàohuā khuànn tsi̍t-ē 著生驚 tio̍h-tshenn-kiann 馬上閘一台計程車 má-siōng tsa̍h tsi̍t-tâi kè-thîng-tshia 可憐的以後的我 khó-liân ê í-āu ê guá 攏毋捌閣看著伊的影 lóng m̄-bat koh khuànn-tio̍h i ê iánn
人講食緊挵破碗 lâng kóng tsia̍h-kín lòng-phuà uánn 我是猶未食 guá sī á-bē tsia̍h 碗就挵挵破 uánn tiō lòng-lòng phuà 啊落氣一下真正貼 ah làu-khuì tsi̍t-ē tsin-tsiànn tah 公車牌仔 kong-tshia-pâi-á 是我永遠的疼 sī guá íng-uán ê thiànn 啦~lah~
可憐的公車牌仔 khó-liân ê kong-tshia-pâi-á
- Special thanks to W.B. Chen for correcting the lyric.
- Related Links: W.B. Chen
|